28 de maio
No noso cole!
Federación Galega de Automobilismo nas Aulas
É unha iniciativa educativa dirixida ao alumnado de EP en Galicia.
Consiste nun ciclo de charlas e actividades que se desenvolven directamente nos centros escolares, co obxectivo de achegar o mundo do automobilismo deportivo.
Durante estas sesións, profesionais do sector — pilotos, copilotos, mecánicos ou organizadores— comparten a súa experiencia e explican como funciona este deporte desde dentro.
Ademais de dar a coñecer o automobilismo, o programa ten unha forte vertente formativa. O alumnado aprende aspectos clave como:
* As distintas modalidades do motor.
* As medidas de seguridade nos vehículos e nas probas.
* A importancia da seguridade viaria no día a día.
* Valores como o esforzo, o traballo en equipo e a responsabilidade.
As actividades adoitan completarse con elementos prácticos, como a exposición de coches de competición nos propios centros e unha actividade sorpresa para os máis pequenos.
En resumo, “FGA nas Aulas” é un proxecto divulgativo e educativo que utiliza o automobilismo como ferramenta para ensinar valores, fomentar a seguridade e espertar o interese dos rapaces e rapazas polo mundo do motor.
NO NOSO CENTRO
A actividade será de 11:00 a 13:00 aproximadamente.
Primeiro haberá unha charla na Biblio
E a continuación no patio poderedes montar nun coche de exposición.
Deixamos por aquí momentos da estupenda xornada que compartimos con Andrés e Yerai.
